Mijn hertze
Mijn hertze en can verbliden niet
Als soe niet vroilic up mi ziet
In wien ic vruechden aen bespiet
Elpt mi of ic uerderue
Mi ne can gehelpen wijf no man
Als soe mi geenre hulpe ne ian
Ic moet van rauwen dwinen dan
Et es aldus mijn erue
Mijn lief es leet mijn heyl verdriet
Aldus ende wers es mi ghesciet
Ic biddu urauwe ghedinct mijns yet
Eer ic van rouwen sterue
Meerre uruecht nie man ghewan
Als ic u vroylic scauwen can
In can ghesceiden niet daer van
Eenparich ic mi kerue
Met vruechden zinghen een vroylic liet
Allen rouwe van mi vliet
In hopen wes ghi mi ghebiet
Elpt mi of ic bederue
Mijn hertze en can verbliden niet…
(et cetera)
(auteur onbekend, circa 1400)